Día das Pemes

Segundo a ONU, na maioría dos países as pemes representan máis do 90% do tecido empresarial, xeran arredor do 65% do emprego e son responsables do 50% do produto interior bruto (PIB) a nivel mundial. Ademais, garanten a estabilidade social reducindo a pobreza.

No caso de España, segundo os datos do Informe Cifras PEME, este tipo de negocios supón máis do 99,8% das empresas constituídas e dá traballo a máis de 10 millóns de persoas (o 65% do total), abarcando todos os sectores de produción do país.

Unha empresa é considerada peme cando cumpre os dous seguintes requisitos establecidos pola lexislación europea:

1. Ter menos de 250 persoas contratadas.
2. Facturar menos de 50 millóns de euros ao ano ou ter un balance anual por debaixo dos 43 millóns de euros.

Segundo os requisitos establecidos pola lexislación europea, existen tres tipos de pemes:

• As microempresas: teñen menos de 10 persoas no cadro de persoal e a súa facturación anual ou balance anual non supera os 2 millóns de euros.
• As pequenas empresas: teñen menos de 50 persoas no cadro de persoal e a súa facturación anual ou balance anual non supera os 10 millóns de euros.
• As medianas empresas: teñen menos de 250 persoas no cadro de persoal e a súa facturación anual ou balance anual non supera os 43 millóns de euros.

É habitual que unha peme necesite máis cartos dos que ten en caixa para empezar, medrar ou expandirse. Os bancos ofrecen diferentes solucións para financiarse:

• As liñas de crédito permiten obter liquidez para o día a día.
  
• Os préstamos son a solución máis doada para empezar ou facer un grande investimento.
• O renting ou o leasing son fórmulas financeiras moi solicitadas polas pemes, xa que permiten alugar locais e material industrial sen necesidade de comprar.

Doutra banda, hai diferentes axudas públicas e subvencións para pemes segundo o sector ou as características. A Dirección Xeral da Industria e da Peme ten un directorio para buscar as axudas públicas dispoñibles.