Responsabilidade civil de subscrición obrigatoria:

Cobre a obriga de indemnizar un terceiro por danos, materiais ou corporais, causados polo uso e circulación do vehículo cando o asegurado (tomador e propietario) sexa civilmente responsable ata os límites legalmente establecidos. Límite de 70 M€ para danos persoais e 15 M€ para danos materiais.

Responsabilidade civil de subscrición voluntaria:

• Garantía complementaria á anterior para sinistros que excedan o límite do seguro obrigatorio ampliándoa ata o límite de 50.000.000 €.
• Responsabilidade civil por incendio do vehículo: por danos causados a terceiros como consecuencia de incendio orixinado no vehículo cando este estea estacionado ata o límite de 150.000 €.

Responsabilidade civil da carga:

Garante a responsabilidade civil extracontractual por danos causados a terceiros derivada de obxectos ou mercadorías transportadas no vehículo asegurado, incluso pola carga e/ou descarga destes, ata o límite de 150.000 €.

Responsabilidade civil de traballos agrícolas:

Garante a responsabilidade civil extracontractual derivada dos danos causados a terceiros con motivo dos traballos agrarios ou gandeiros que se realicen exclusivamente co vehículo asegurado, os seus remolques e/ou apeiros. Límite ata 300.000 € en tractores e colleitadoras e ata 60.000 € en motocultores.

Defensa xurídica (penal):

Cobre a defensa do condutor do vehículo en procedementos penais por accidentes de circulación causados co vehículo asegurado. Límite de 3.000 € en caso de libre elección de avogado e procurador.

Reclamación de danos:

Cobre a reclamación ao terceiro responsable polos danos sufridos en accidente de circulación, incluso como peón. Límite de 3.000 € en caso de libre elección de avogado e procurador.

Reclamación de multas:

Asesoramento xurídico completo en materia de infraccións administrativas de tráfico, circulación e seguridade viaria contra o asegurado.

Accidentes persoais de ocupantes:

Inclúe indemnización por falecemento, invalidez permanente e os gastos de asistencia sanitaria.

Rotura de vidros:

Importe da reposición e colocación destes e dos seus accesorios. Garántese tamén a reparación de calquera vidro, incluído o teito solar ata o límite de 3.000 €.

Incendio, roubo e perda total:

Garántense os danos parciais ou a perda total que poida sufrir o vehículo asegurado como consecuencia de incendio, subtracción ilexítima ou a súa tentativa por parte de terceiros e perda total.

Danos por colisión con especies cinexéticas:

Cóbrense os danos materiais ao vehículo e aos seus accesorios como consecuencia do atropelo a especies cinexéticas ou animais domésticos.

Danos por fenómenos meteorolóxicos:

Cóbrense danos materiais que poida sufrir o vehículo asegurado como consecuencia de pedrazo, neve, inundación, caídas de aeronaves.

Danos propios con franquía:

Os danos parciais ou totais que sufra o vehículo por unha causa exterior, violenta e instantánea, contrataranse sempre con franquía de 200 €.