Xestión de cobramentos e pagamentos para empresas

A xestión de cobramentos e pagamentos é o control que se realiza das facturas que a empresa ten pendentes de pagamento, por parte dos seus clientes ou provedores, mediante accións de índole administrativa e/ou financeira.

Son varias as vantaxes dunha boa xestión de cobramentos e gastos por parte dunha empresa:

• Axuda na xestión da liquidez, xa que se pon o foco, principalmente, na anticipación e na aprendizaxe.
• Axuda na xestión do «cashflow» da empresa e, grazas a iso, a que a súa operativa diaria sexa a adecuada.
• Permite, en relación ao explicado no punto anterior, que a empresa poida asumir os seus distintos gastos (nóminas, impostos etc.).
• Inflúe, positivamente, na rendibilidade que teña a empresa.
• Axuda no control das operacións que se realizan, ao permitir un seguimento en tempo real do estado dos cobramentos.
• Reduce os erros que se poidan producir, ao non necesitar intervención manual, e evita posibles atrasos.

Existe unha diferenza principal entre ambas. A xestión de cobramentos é a que se encarga de recadar as facturas pendentes dos clientes mentres que, pola súa parte, a xestión de pagamentos se ocupa de controlar, planificar e validar os pagamentos que se realizan aos provedores.

O xiro bancario funciona da seguinte maneira:

• En primeiro lugar, o cliente acudirá á súa entidade bancaria e cubrirá un mandato de pagamento co que solicita o envío dun importe concreto á conta do destinatario, o que implicará a entrega dun documento coa seguinte información:
  • Nome do banco emisor (do xiro bancario).
  • Datos da persoa que realiza o pagamento e da que recibe o diñeiro.
  • Importe.
  • Nome do banco que pagará o xiro bancario.
• Tras emitir o emisor o xiro bancario, o importador facilitarallo ao destinatario (exportador) presencialmente para que, por último, vaia á oficina e o cobre.

A remesa bancaria é un arquivo que inclúe as distintas facturas ou cargos dun cliente e que se entrega á entidade bancaria para que xestione o seu cobramento. Axuda a cobrar varios cargos dunha soa vez.