Boletín fiscal marzo 2023

Hai xa tres meses despedimos o ano 2022, ano este que, no ámbito da fiscalidade de grandes patrimonios, todos lembraremos como aquel en que foron desaparecendo a inmensa maioría das SICAV de carácter familiar e en que xurdiu un novo imposto, chamado de solidariedade das grandes fortunas.

En efecto, en 2022 adoptáronse os acordos de disolución con liquidación de todas aquelas SICAV cuxos socios ou accionistas decidiron acollerse ao réxime transitorio para que, ante os cambios na súa tributación, puidesen “saír” deste vehículo de investimento sen efecto fiscal e xa se foron materializando boa parte destes reinvestimentos, aínda que o prazo para reinvestir en fondos españois non vence ata o vindeiro 31 de xullo, xa se foron materializando boa parte destes reinvestimentos.

Doutra banda, como indicamos máis arriba, produciuse o “nacemento” dun novo imposto que probablemente poucos esperabamos pero que, a pesar das grandes dúbidas sobre a súa constitucionalidade, o 28 de decembro viu a “luz” no BOE, coa intención, tal e como expresamente se indica na propia norma que o crea, de harmonizar a tributación sobre o patrimonio en todas as comunidades autónomas.

Así, o 2023 comeza co foco posto no imposto de solidariedade das grandes fortunas (ISGF), xa que se trata do primeiro ano en que se terá que realizar a declaración respecto do patrimonio existente en 2022. É importante, ademais, ter en conta que a declaración por este imposto terá que presentarse durante o mes de xullo, unha vez que se coñeza a cota satisfeita polo imposto sobre o patrimonio (IP) ao ser deducible para a determinación da cota para ingresar do ISGF.

Á marxe deste novo imposto, destacamos a modificación da escala de gravame aplicable á base do aforro do IRPF que nos trouxo un pequeno incremento dos tipos aos que tributan as rendas máis altas e, no ámbito autonómico, cambios especialmente no IP.

En concreto, respecto do IP e as comunidades autónomas, cómpre mencionar, ademais da incorporación de Andalucía xunto a Madrid como comunidade en que o imposto se encontra bonificado na súa totalidade, o aumento do 25 ao 50% da bonificación aplicable sobre a cota en Galicia, a suba do mínimo exento a 3.700.000 euros en Murcia, así como, no outro lado, o incremento de tipos impositivos, aínda que de forma temporal, en Cataluña e Valencia.

Jesús Muñoz García

Director de Planificación Patrimonial

Banca Privada do BBVA

O pasado 28 de decembro publicouse, no Boletín Oficial do Estado (BOE), a Lei 38/2022, do 27 de decembro, para o establecemento de gravames temporais enerxético e de entidades de crédito e establecementos financeiros de crédito e pola que se crea o imposto temporal de solidariedade das grandes fortunas, e se modifican outras normas tributarias.

A Lei 31/2022, de orzamentos xerais do Estado para o ano 2023, publicada no Boletín Oficial do Estado (BOE) o 24 de decembro, incorpora novidades fiscais con repercusión na xestión de patrimonios, sendo as de maior interese as que comentamos a continuación.

O pasado 22 de decembro publicouse, no Boletín Oficial do Estado (BOE), a Lei 28/2022, do 21 de decembro, de fomento do ecosistema das empresas emerxentes, máis coñecida como lei de “Start Ups”. Esta lei contén un conxunto de incentivos fiscais destinados principalmente a favorecer as necesidades específicas deste tipo de empresas, incorporando, ademais, algunha outra modificación de carácter fiscal.

A continuación, resumimos as medidas fiscais introducidas a través desta lei que poden ser de maior interese:

Como todos os anos, as comunidades autónomas incorporan modificacións en materia de tributos cedidos, destacando nesta ocasión as deflactacións das tarifas autonómicas aplicables á base xeral do imposto sobre a renda das persoas físicas e as relativas ao imposto sobre o patrimonio.

O Tribunal Supremo pronunciouse recentemente sobre dúas interesantes cuestións respecto das que muda o criterio que mantivera con anterioridade. En concreto, trátase da tributación da concesión de opcións de compra e os xuros de demora derivados da devolución de ingresos indebidos.

Como a continuación veremos, o investimento en capital risco podería cualificar para aplicar os beneficios fiscais da empresa familiar, aínda que dependerá do cumprimento de determinados requisitos, entre eles, a forma en que se instrumente o investimento: