Servizo Traslado de Contas

Si, o teu outro banco pode rexeitar a solicitude de traslado se tes produtos vinculados á conta (préstamo, hipoteca, tarxetas, fondos de investimento…). Lembra cancelar todos os produtos antes de realizar o traslado.

Lembra que para que o traslado saia ben, a conta no BBVA debe ter os mesmos titulares que a conta noutro banco.

Ademais, se queres pechar a conta noutro banco, terás que devolver antes as tarxetas, cheques ou cartillas que teñas asociadas a esta conta.

• Os titulares deben ser os mesmos na conta no BBVA e na conta noutro banco. Ademais, a solicitude de traslado debe estar asinada por todos os titulares.
• A conta no BBVA non pode ser para empresas ou actividades profesionais.
• Non é posible trasladar só unha parte do saldo. O teu outro banco encargarase de pechar a conta e de transferir o saldo á túa conta BBVA na data que indiques.

• Trasladar algúns pagamentos recorrentes ou impostos como o IBI

Algúns emisores de domiciliacións requiren que sexa o propio titular quen realice a comunicación de cambio de conta, como a Axencia Tributaria e algúns concellos. Ademais, os concellos non admiten cambios de domiciliación de impostos (IBI, imposto lixo…) durante os 2 meses anteriores ao período de pagamento voluntario.

• Trasladar a prestación de desemprego

A Administración pide que sexa o propio titular quen xestione o cambio da conta de aboamento, polo que necesitas solicitar o cambio a través do SEPE. Indicámosche como facer a xestión neste proceso. 

• Trasladar pensións non xestionadas pola TXSS

Se recibes pensións emitidas por outros organismos como Muface, Mugeju ou Isfas, necesitas contactar co organismo persoalmente para comunicar o cambio de conta. 

• Trasladar o saldo e pechar a conta

O BBVA notifica a túa solicitude e o teu outro banco encárgase de trasladar o saldo e pechar a conta na data que indiques.

É importante que lembres estas xestións á hora de escolleres a data do traslado. Tamén che recomendamos que teñas saldo en ambas as contas, a de orixe e a do BBVA, para poder atender os teus pagamentos ata que o traslado se complete. 

No Servizo de Traslado de Contas, o BBVA realiza as seguintes xestións:

• Solicitar ao teu outro banco información para tramitar o traslado.
• Programar as transferencias periódicas na túa nova conta do BBVA, a partir da data que indiques na túa solicitude. O teu banco cancelará as devanditas transferencias na túa outra conta.
• Comunicar o cambio de conta aos teus pagadores e emisores dos teus recibos domiciliados (cargos). O BBVA enviaralles unha solicitude para que realicen o cambio de conta. Se prefires comunicar persoalmente o cambio, facilitámosche uns documentos para axudarche na xestión.
• Para asegurar que ningún recibo (cargo) sexa devolto, o BBVA aceptará os cargos domiciliados e as transferencias entrantes a partir da data fixada para o traslado. E, ao mesmo tempo, o teu outro banco deixará de aceptalos.
• Xestionar coa Seguridade Social o traslado de pensións en réxime xeral. Para facelo, o BBVA contactará coa TXSS para solicitar o cambio de domiciliación da pensión e informarate de se a TXSS acepta ou rexeita a solicitude. Pola súa parte, a TXSS xestionará o traslado de todas as pensións que teñas ao teu nome. Lembra que están excluídas as pensións non contributivas ou doutros organismos como Muface, Mugeju, Isfas etc.

1. Indica o número da conta que queres trasladar ao BBVA.
2. Escolle que queres trasladar: as transferencias periódicas, os ingresos e recibos domiciliados ou todo o teu saldo, pechando ademais a outra conta.
3. Elixe unha data para o traslado. Recomendámosche que escollas unha data con marxe suficiente para domiciliar os teus ingresos (nómina, pensión) e recibos na nova conta. O prazo mínimo son 15 días hábiles, inclúe o prazo de sinatura de todos os titulares.
4. Cando todos os titulares da conta asinen a solicitude, iniciarase o traslado. O prazo para asinar é de 2 días, pasado este prazo a solicitude anularase e terás que realizar unha nova.
5. Nun prazo de 2 días, o BBVA solicitará ao teu outro banco a información necesaria para o traslado.
6. O teu outro banco terá un máximo de 5 días para aceptalo e enviar a información solicitada polo BBVA.
7. Cando o BBVA reciba a información, terá un prazo de 5 días para programar as transferencias periódicas na conta e comunicar a pagadores e emisores de recibos o novo número de conta.
8. O teu outro banco encargarase de pechar a conta e transferir o saldo á túa conta BBVA na data que indiques na túa solicitude.
9. Irémoste informando de como avanza o proceso. Se for necesario, pedirémosche información adicional mediante notificacións na app ou no web e tamén por correo electrónico.