Tarxetas de crédito BBVA

Que é unha tarxeta de crédito?

As tarxetas de crédito son un medio de pagamento cuxo uso (realizar pagamentos ou obter diñeiro) permite adiar o pagamento do importe da operación na conta bancaria asociada á tarxeta. Máis información

Cales son os requisitos para obter unha tarxeta de crédito?

• Ser maior de idade. 
• Ter unha conta bancaria operativa no BBVA. 
• Ter uns ingresos que garantan que se vai poder devolver o crédito. 
• Ter un bo historial crediticio. 
• Non estar en ningunha lista de non-pagados.
  

Que ocorre se utilizo a tarxeta fóra da zona euro?

Para compras en moeda distinta ao euro non se cobrará comisión ata os 300 primeiros euros ao mes. A partir de 300 euros ao mes en compras en moeda distinta ao euro e para todas as retiradas de efectivo no estranxeiro cobrarase unha comisión do 3% sobre o importe equivalente en euros segundo o cambio obtido polos Sistemas de Pagamento na data en que practiquen a liquidación correspondente.

Se prefires esquecerte dos límites, podes activar algún dos plans de Pack Viajes dispoñibles. Desde só 2,99 €/mes poderás aumentar o teu límite e realizar retiradas de efectivo sen comisións. Podes activalo e desactivalo cando queiras.

Que tarxeta de crédito me convén máis?

Para responder a pregunta, debes facer unha análise e unha comparativa de tarxetas de crédito.

Como solicito unha tarxeta de crédito?

Podes ir a calquera oficina do BBVA ou solicitala a través do web bbva.es ou na app de BBVA España.

Cal é a diferenza entre tarxetas de débito e crédito?

A principal diferenza é a forma de pagamento. Nunha tarxeta de débito, o pagamento é cargado directamente na conta do titular. Por tanto, só permite pagar ata o límite dos fondos da conta. En cambio, coa tarxeta de crédito podes pagar incluso se non dispós de fondos, xa que podes adiar o cobramento ata o mes seguinte. Máis información

Podo facer compras en liña coa tarxeta de crédito?

Si, é posible. Cando realices unha compra online tes que seguir estes sinxelos pasos: Compras no comercio coa tarxeta. E autorizas as compras online no contorno seguro que che ofrece o BBVA (xa sexa a través do web ou da app). 

Podo vincular a miña tarxeta de crédito ao teléfono?

Si, co BBVA tes á túa disposición distintas opcións para pagares as compras co móbil. Elixe a túa e goza de todas as súas vantaxes. Máis información

Podo retirar a débito coa miña tarxeta de crédito?

Si, excepto coa tarxeta de crédito A Tu Ritmo Revolving e A Tu Ritmo Complementaria Revolving, que só serían a crédito. Co resto das tarxetas podes escoller entre retirar efectivo a débito ou a crédito en caixeiros automáticos e oficinas.

Cando e onde vou recibir a miña tarxeta?

Recibirás a túa tarxeta no domicilio indicado durante o proceso de alta uns días despois de que a conta estea activa.

Como podo pagar co meu teléfono móbil?

Podes pagar co teu móbil se engades as túas tarxetas a BBVA Pay seguindo estes pasos:

• Entra na aplicación do BBVA.
• Engade as túas tarxetas a BBVA Pay.
• Selecciona BBVA Pay como método de pagamento.

Se o prefires, tamén podes engadir as túas tarxetas a outros wallets como Apple Pay, Google Pay e Samsung Pay.