Hipoteca Autopromotor

Si, podes adiantar unha parte (mínimo 300 €) ou todo o que che falte por pagar. Ademais da cantidade que queiras reembolsar, terás que pagar os xuros devindicados e unha cantidade como compensación por reembolso anticipado total ou parcial, que podería ser:

• Durante os 5 primeiros anos: ata o 0,15% do capital reembolsado anticipadamente, sen exceder o importe da perda financeira que, se é o caso, poida sufrir o banco.
• Transcorridos os 5 primeiros anos: 0 % do capital reembolsado anticipadamente.

Durante 2023, os préstamos a xuro variable de persoas físicas e garantía vivenda están exentos de pagar unha comisión de reembolso, en aplicación do Real decreto-lei 19/2022.

Lembra que antes de realizar o reembolso é obrigatorio que leas a información que che facilitaremos, na que detalladamente se cuantificarán as consecuencias de cada un dos reembolsos, para poderes avaliar cada unha das opcións. É preciso solicitares a información con 30 días de antelación na túa oficina BBVA.

Os gastos que se vinculan a unha hipoteca autopromotor vivenda unifamiliar son, na súa maioría, os mesmos que se aboan no resto de hipotecas:

Gastos que aboa o cliente:

• Taxación

Gastos que aboa o banco:

• Notaría
• Xestoría
• Rexistro
• AXD (ou actos xurídicos documentados)

O funcionamento da hipoteca autopromotor é diferente ao doutros de tipos de hipotecas. Aínda que vai cubrir, tamén, ata o 80% do valor do inmoble, non se entrega a totalidade do diñeiro dunha soa vez e si por tramos (de acordo co que avance a construción da vivenda), existindo tres:

• Solo: percíbese, aproximadamente, o 50% do diñeiro na fase inicial do proxecto.
• Certificacións: percíbese, aproximadamente, entre o 20% e o 30% do diñeiro neste "punto intermedio", logo da certificación dun arquitecto dos avances realizados (o importe vai depender deles).
• Fin de obra: percíbese o 20% e 30% do diñeiro que resta ao finalizar o proxecto (e coa obtención da cédula de habitabilidade).