Hipotecas Colectivos BBVA

A Hipoteca Colectivos BBVA é un préstamo para residentes en España con ingresos e patrimonio só en euros.

Para contratar a hipoteca, cómpre contar cun seguro de danos sobre o inmoble hipotecado mentres dure a hipoteca. A cantidade asegurada ten que coincidir co valor de taxación sen incluír o valor do solo. Ese seguro, que non ten por que ser do BBVA, debe cubrir os danos que poida sufrir o inmoble por incendio, explosión e causas naturais. O banco debe figurar na póliza como beneficiario polo importe que falte por pagar.

Tamén necesitas ter unha conta corrente no BBVA. Nela, realizaranse todos os movementos que teñan que ver coa túa hipoteca, como aboamentos e cargos. Tanto as características como o detalle das posibles comisións de administración e mantemento da conta están na información precontractual.

Lembra que a concesión da hipoteca está suxeita a autorización previa por parte do banco.

Si, podes adiantar unha parte (mínimo 300 €) ou todo o que che falte por pagar. Ademais da cantidade que desexes reembolsar, terás que pagar os xuros e unha cantidade como compensación por reembolso anticipado total ou parcial, equivalente á perda financeira que puidese sufrir o banco e que poderá ser, no caso de hipoteca a tipo variable:

• Durante os 5 primeiros anos: co límite de 0,15 % do capital reembolsado anticipadamente.
• A partir do 6º ano (inclusive): 0 % do capital reembolsado anticipadamente.

E no caso de que a hipoteca sexa a tipo fixo:

• Durante os 10 primeiros anos: co límite de 2 % do capital reembolsado anticipadamente.
• A partir do 11º ano (inclusive): co límite de 1,5 % do capital reembolsado anticipadamente.

Lembra que antes de o faceres é obrigatorio que leas a información que che facilitaremos, na que detalladamente se cuantificarán as consecuencias de cada un dos reembolsos, para poderes avaliar cada unha das opcións. É preciso solicitares a información con 30 días de antelación na túa oficina BBVA.

Así mesmo, existe unha exención da compensación ou comisión de reembolso ou amortización anticipada durante todo o ano 2023 nos préstamos a tipo de xuro variable, segundo o previsto na disposición adicional primeira do RDL 19/2022, do 22 de novembro.

O TIN (tipo de xuro nominal) é o que se paga a un banco a cambio de que nos preste diñeiro. O TIN é normalmente menor que a TAE e non serve para comparar o prezo entre diferentes hipotecas, xa que só inclúe o tipo de xuro e non todos os gastos da operación. 

A TAE (taxa anual equivalente) é un indicador en porcentaxe que serve para que os clientes que busquen unha hipoteca poidan comparar distintas ofertas e así ter unha referencia do custo real dela. Inclúe tanto o xuro como os diferentes gastos e comisións asociadas.

Os gastos do préstamo hipotecario son pagados polo banco: o rexistro, a notaría, a xestoría e o Imposto de Actos Xurídicos Documentais (AXD). No País Vasco, no suposto de vivenda non habitual, o AXD é pagado polo comprador.

Os gastos da compravenda non teñen nada que ver coa hipoteca, por iso non a paga o banco. Lembrámosche que estes gastos son: impostos (como o de transmisións patrimoniais ou o IVE) e os que correspondan de xestoría, notaría e rexistro.

A taxación é pagada polo prestameiro.

Podes consultar os seguintes documentos, onde encontrarás información básica sobre as nosas hipotecas:

• ficha de información precontractual (FIPRE)
• Documento de información precontractual complementaria (DIPREC)
• Cartel informativo

Tamén tes á túa disposición un xestor do BBVA que che resolverá as dúbidas e que te acompañará durante todo o proceso. Así que nos facilites a documentación necesaria para realizar o estudo económico e unha vez que levemos cabo o estudo de viabilidade, se o resultado do estudo é viable, o banco enviarache a FEIN e o resto da documentación obrigatoria para poder asinar o préstamo hipotecario.

Calcúlanse utilizando o sistema de amortización francés. A cota que haberá pagar determinarase ao inicio de cada período de xuro e quedará fixa durante este. A cota pode variar en cada período de xuro e durante un mesmo período se se fixese un reembolso parcial. Este sistema de cálculo fai que a cota que pagas cada mes sexa o máis estable posible. Só pode variar se cambia o tipo de xuro ou se realizas reembolsos anticipados.

Para calcular as cotas con este sistema usamos a seguinte fórmula: (C*i/m)/(1-(1+i/m)^(-m*n)), en que C é a cantidade prestada, i é o tipo de xuro nominal anual, m o número de cotas anuais e n os anos nos que vas devolver o préstamo. 

Pómosche un exemplo aplicando a fórmula. Se tes un préstamo de 150.000 € a un 2,50 % de xuro anual e devólvelo mes a mes (12 cotas ao ano) durante 25 anos, a cota que terás que pagar ao mes será 672,93 €. 

Aquí tes a fórmula coas cifras do exemplo: (150.000x0,025/12)/(1-(1+0,025/12)^(-12x25))=672,93 €

En cada cota, págase unha parte de xuros e outra parte destinada a devolver o préstamo. Se queres saber canto supón cada cantidade, podes calculalo da seguinte maneira:

• Para calcular os xuros de cada cota divide o tipo de xuro entre o número de cotas anuais e multiplícao pola cantidade prestada.
• Para calcular canto devolves do préstamo (amortización) resta os xuros á cota mensual.

Co sistema de cálculo que utilizamos (sistema de amortización francés), nas primeiras cotas páganse máis xuros que capital e nas últimas máis capital que xuros.