Premer enter
Suxestións

    Carteiras xestionadas

    Un servizo orientado a clientes que queren delegar no BBVA a xestión do seu patrimonio

    • As carteiras son instrumentos que diversifican en función do teu perfil de risco e xestionan activamente os activos contratados.
    • Pódese acceder ás carteiras xestionadas de Banca Privada a partir dos 200.000 euros.

    Que me ofrece o servizo de xestión discrecional de carteiras?

    • Cada decisión de investimento das carteiras é tomada segundo a visión e o coñecemento dos especialistas do BBVA, co obxectivo de buscar a máxima rendibilidade, preservando o patrimonio dos nosos clientes e tendo en conta a situación económica e as oportunidades de investimento. As carteiras están perfectamente diversificadas e axústanse ao teu perfil de risco e aos teus obxectivos de investimento, mediante unha xestión activa e monitorización continuada.

      Os nosos especialistas crean diferentes perfís adaptados ás diferentes necesidades para ofrecer un valor engadido en materia de asesoramento, planificación e seguimento.

      • Axudámoste a tomar as túas decisións, visualizando cal pode ser o futuro dos seus investimentos.
      • Planificamos: analizamos as túas preferencias para encontrar os investimentos máis eficientes desde un punto de vista fiscal.
      • Facemos un seguimento para seguir a evolución dos teus investimentos e, finalmente, recompensar a túa fidelidade. 

      Documentación: podes consultar o contrato do servizo de xestión discrecional de carteiras con delegación (carteiras Banca Privada) e o contrato do servizo de xestión discrecional de carteiras de patrimonios. No proceso de contratación xerarémolo personalizado cos teus datos.

    Distribución de activos por perfil de risco

     
    RENDA VARIABLE
    RENDA FIXA E MONETARIOS 
    INVESTIMENTO ALTERNATIVO E UCITS
    MOI BAIXO
    0 %
    90 %
    10 %
    BAIXO
    20 %
    70 %
    10 %
    MEDIO
    35 %
    55 %
    10 %
    ALTO
    55 %
    35 %
    10 %
    MOI ALTO
    80 %
    20 %
    0 %

    Riscos

    • Debes ter en conta que os instrumentos financeiros nos que inviste a carteira son produtos cun determinado nivel de risco. Se a evolución dos mercados nos que invisten non é a esperada, é posible que se rexistren perdas, polo que debes estar disposto a asumir o risco económico derivado da evolución da túa carteira.

    Así xestionamos a túa carteira

    • Enfoque patrimonialista

      Mantendo a asignación de activos dentro do obxectivo a longo prazo para facer fronte á inflación.

    • Disciplina e obxectividade

      Na toma de decisións, sen nesgo emocional afectado polo contexto.

    • Xestión profesional

      Achegando valor coa experiencia e dedicación do noso equipo e potenciando as ferramentas de control de risco e eficiencia.

    • Monitorización

      Facendo un seguimento constante do investimento e xestionándoo de forma activa.

    • Diversificación real

      Cunha combinación equilibrada de fondos das máis recoñecidas xestoras internacionais seleccionados para tirar o máximo potencial para cada nivel de risco.

    • Capacidades do Grupo BBVA

      Contamos coa experiencia e profesionalidade do Comité de Investimentos de BBVA Banca Privada, o CIO de Banca Privada, a experiencia en análise económica de BBVA Research e Quality Funds como a plataforma de análise e selección de fondos internacionais do BBVA.

    Seguimento da túa carteira

    • A través do teu banqueiro privado ou da app do BBVA e o web www.bbva.es, poderás facer un seguimento da túa carteira cunha información completa e detallada:

      Na túa área persoal da app e bbva.es, terás dispoñible:

      • Análise detallada de cada un dos instrumentos financeiros que compoñen a túa carteira: valoracións, rendibilidades e pesos de cada activo. Dispós da opción de personalizar as consultas seguindo varios criterios.
      • Movementos na conta ou contas da carteira con información pormenorizada.
      • Ganancias e perdas xeradas no ano e latentes para analizar o impacto fiscal das operacións.
      • Operacións da carteira nun período determinado co detalle de cada unha delas. 
      • Sección de informes. A un só clic, todo o que necesitas coñecer:
        • Diario: a primeiro nivel con evolución da carteira nos últimos trimestres, rendibilidades históricas da carteira e últimos 12 meses, composición da carteira con cada un dos instrumentos que a compoñen con datos fiscais e rendibilidades de cada un deles, así como perfil xeral de risco.
          Ademais, operacións do último mes e mes en curso e, por último, unha simulación fiscal grazas ás perdas e ganancias latentes de cada partida.
        • Mensual e fiscal: no primeiro, detalle da carteira no peche de mes con evolución, operacións, detalle, comparativa contra o índice de referencia, comisións e ingresos recibidos no caso que proceda, así como información de mercado. No segundo, información de simulación fiscal da carteira con perdas e ganancias latentes de cada partida en todo o que se leva de ano. Avaliación de idoneidade con inclusión dos datos do último perfil efectuado.
        • Anual de custos e gastos: para coñecer, con total transparencia, os custos soportados durante o ano anterior e o impacto na rendibilidade das carteiras.

      Estas son as funcionalidades e a forma de acceder a elas se a titularidade está baixo sociedade (CIF).

    Información da túa carteira ao día

    Explicámosche como realizar o seguimento da túa carteira de investimento BBVA día a día neste vídeo.

    Se es unha persoa xurídica, aquí contámosche como realizar o seguimento da túa carteira.

    Ver vídeo

    Sostibilidade

    Outro piar fundamental é a sostibilidade. Na Banca Privada do BBVA integramos no noso proceso investidor os riscos e oportunidades ambientais, sociais e de bo goberno e temos en conta as preferencias dos nosos clientes en sostibilidade á hora de construírmos a súa carteira. 

    Información en materia de sostibilidade

    Dáte de alta e fai as operacións da túa carteira sen ires á oficina

    Podes asinar facilmente a alta dixital da túa nova carteira: o test de idoneidade, documentación contractual, conta corrente, conta de valores e contrato da carteira. Ademais, poderás facer achegas e solicitar reembolsos da carteira, a través do teu banqueiro, sen ter que te desprazares a unha oficina grazas á sinatura a distancia.

    Xestiona as túas finanzas desde a app do BBVA

    O teu banqueiro e ti conectados desde o móbil, para recibires todo o apoio que a xestión do teu patrimonio necesita. Ademais, poderás facer o seguimento dos teus investimentos, asinar documentos e moito máis.
    Ver vídeo

    Tamén che podería interesar

    Interésache?

    Liña exclusiva da Banca Privada

    900 108 586

    Chámanos para resolver as túas dúbidas ou concertar unha cita.

    Liña exclusiva da Banca Privada

    900 108 586

    Carteiras asesoradas
    Chámanos