Calcula canto desgravan no IRPF as achegas a un plan de pensións

O cálculo que axuda a saber canto desgrava un plan de pensións vai depender dos ingresos que se teñan, xa que se aplicará, en función deles, un tramo de IRPF ou outro.

Hai que ter en conta, ao calcular canto desgrava, que non se poderá superar:

• O 30% dos rendementos netos do traballo e actividades económicas (percibidos individualmente no exercicio).
• Os 1.500 € anuais.

As achegas a un plan de pensións poden ser de dous tipos:

- Puntuais: as que se fan de forma esporádica.

- Periódicas: as que se realizan regularmente (normalmente cada mes ou trimestre).

Non existe un mínimo á hora de facer achegas a un plan de pensións, pero si un máximo, establecido (desde 2021) nos 2.000 €. A esta cantidade poden sumarse 1.000 € adicionais se se achegan ao plan de pensións do cónxuxe e este non ten rendementos do traballo ou actividades económicas que superen os 8.000 € anuais.

Os datos correspondentes ao plan de pensións na declaración da renda inclúense nos recadros que van do 462 ao 476, e é importante comprobar cal é o que corresponde en cada caso.