Komisiorik Gabeko Online kontua + Metas Aurrezki kontua

• Ez bazara BBVAren bezero, Aurrezki Packa kontratatu behar duzu Metas kontu bat irekitzeko.
• BBVAren bezero bazara, Metas kontu bat ireki dezakezu kontratatuta duzun kontu bati lotu ondoren.

Kontu bat urrutiko kanalen bidez kontratatzean, 14 eguneko epea dago atzera egiteko eskubidea gauzatzeko. Epea kontratua sinatu eta indarrean jartzen den egunean hasten da kontatzen.

Atzera egiteko eskubidea bbva.es webgunearen eta BBVAren aplikazio mugikorraren bidez jakinarazi ahalko da (bietan gune pribatutik, kontu pertsonalen menuko Nahi dut aukera sakatuta). Horrez gain, atzera egitea jakinaraz dezakezu bulegoaren eta telefono-kanalaren (BBVA linea) bidez ere.

Bai, Aurrezki Packak kontu nagusi bat du, Komisiorik Gabeko Online kontua, eta Aqua Zordunketa txartela lotuta du doan. Txartelarekin hau egin dezakezu:

• Dirua zordunketan atera komisiorik gabe BBVAren kutxazainetan. Eskudiru hori erabilgarri egon behar du zure Online kontuan.
• Eskudirua komisiorik gabe sartzea BBVA kutxazainetatik.Diru-sarrerak egin ditzakezu zure Online kontuan edo zure Metas kontuan.

Kutxazainetan eskudirua zordunketan ateratzeko komisio hauek daude:

• BBVAren Espainiako kutxazain automatikoak: 0 €.
• BBVArenak ez diren kutxazain automatikoak: Kutxazainaren titular den erakundeak BBVAri kobratutako komisioaren zenbateko bera. Txartel bidez eskudirua atera aurretik jakinaraziko dizu kutxazainaren erakunde titularrak.
• Atzerriko kutxazain automatikoak: %4,50 (gutxienez 3,5 €).

bbva.es webgunean, BBVAren app-ean eta kutxazainetan ez duzu komisiorik ordaintzen transferentziak eurotan, koroa suediarretan edo leu errumaniarretan (ron) egiten badituzu Europako Esparru Ekonomikoan (Europar Batasuneko kideak + Islandia, Liechtenstein eta Norvegia).

Ez daude barne euskarri magnetikoko transferentziak, FMOak (Funtsen Mugimenduen Ordena), Balio Eguna transferentziak eta uneko transferentziak. Sartzen ez diren transferentziei ondorio hauetarako ezarritako kontzeptu osagarriak eta transferentzia gastuak aplikatuko zaizkie.

Komisiorik Gabeko Online kontuan kostu hauek daude zorpeko eragiketak egiteagatik:

• Zorpeko tazituaren urteko interes tasa: % 7,25 ITN.
• Kontuko zorpeko tazituaren komisioa: % 4,50 (gutxienez 15 €). Kontuaren likidazio aldiko gehieneko saldo zordunaren arabera kalkulatzen da.

Interes zordunak eta zorpeko komisioa aplikatuta ateratzen den ondoriozko UTBa legez mugatuta dago "kontsumitzailearentzat", eta ezin da izan diruaren legezko interesa baino 2,5 handiagoa. Diruaren legezko interes tasan aldaketarik egiten bada, automatikoki aldatuko da zorpekoei aplikatutako UTBa.