No BBVA tamén financiamos proxectos sostibles
Saber máis
Os fondos europeos Next Generation son un instrumento temporal de recuperación que contribuirá a reparar os danos económicos e sociais inmediatos causados pola pandemia do coronavirus. O seu obxectivo é relanzar a actividade económica para superar a crise no curto prazo e mellorar o potencial de crecemento con reformas estruturais e medidas para aumentar a produtividade (medio e longo prazo). Ten unha dotación de 750.000 millóns de euros da Unión Europea, entre os anos 2021 e 2026.
Fondos europeos Next Generation
Unha oportunidade única para poder impulsar o teu proxecto
Se es particular, autónomo ou empresa e queres desenvolver un proxecto de sostibilidade, dixitalización ou cohesión e igualdade, acompañámoste e axudámosche a solicitar as axudas europeas a través do noso colaborador Minsait (Indra).
Medidas para paliar os efectos da DINA
Se a túa empresa foi afectada pola DINA, podes acollerte ás moratorias especiais dispoñibles.
Coñece os requisitos e como realizar a solicitude.
Como podes aproveitar esta oportunidade
Consulta todas as axudas dispoñibles e solicita a que máis se adapte ás necesidades da túa empresa. Non deixes pasar esta oportunidade para transformar e dar un novo impulso ao teu negocio.
-
Autoconsumo
Axudas públicas destinadas a promover o autoconsumo mediante a instalación de paneis fotovoltaicos.
Prepara a túa empresa para aforrar e protexer o ambiente.
-
Eficiencia enerxética para pemes
Buscan promover investimentos sostibles que contribúan á acción polo clima.
Axudas destinadas a proxectos:
- Que utilicen fontes de enerxía renovables (aerotermia, xeotermia, solar…).
- Que fomenten un maior control do consumo mediante os sistemas de almacenamento.
- Para impulso á industria e ao sector empresarial asociado.
-
Mobilidade eléctrica
Co obxectivo da descarbonización do sector do transporte, ofrécense axudas para:
- A adquisición de vehículos eléctricos ou de pila de combustible.
- O desenvolvemento da infraestrutura de recarga necesaria para a nova flota.
- A adaptación dos sistemas de xestión de flotas para dixitalizar o control de rutas.
-
Para potenciar a transformación dixital das pemes e dos autónomos, axudándolles a implantar solucións de dixitalización como desenvolvementos de páxinas web, e-commerce, márketing dixital e ciberseguridade.
Agora, podes solicitar tamén o Kit Consulting.
Se xa recibiches a axuda do Kit Dixital, o BBVA, como axente dixitalizado, ofréceche unha solución de comercio electrónico.
-
Economía circular
Axudas para fomentar a circularidade dos procesos industriais e empresariais para mellorar a competitividade e innovación do tecido industrial. Apoio ás empresas en:
- Redución de materias primas.
- Ecodeseño.
- A xestión de residuos.
- Transformación dixital.
-
Incentivos económicos
Os incentivos económicos rexionais (IER) son axudas sobre o investimento que se vaia realizar nun proxecto como: obra civil, mobiliario, equipamento, honorarios técnicos, instalacións etc. -
Kit Consulting
Para transformar o teu negocio e maximizar o seu potencial de crecemento, cun enfoque innovador e estratéxico. Un paquete integral de servizos de consultoría que ofrece a pemes e autónomos acceso a expertos e ferramentas avanzadas.
No BBVA ofrecémosche financiamento para complementar os fondos NGEU
-
Cando pides unha subvención pública a través dos fondos europeos Next Generation, pode pasar un tempo ata teres o diñeiro dispoñible. Deseñamos este préstamo para que non teñas que esperar.
-
Se pediches unha subvención a través dos fondos públicos europeos Next Generation, pero necesitas máis capital, podes utilizar este préstamo como complemento.
-
Aluga un equipamento máis eficiente coa opción de compralo máis adiante se che interesa.
Que son os fondos europeos Next Generation
A UE tiña previsto establecer un orzamento para desenvolver Europa entre 2021 e 2027. Debido á crise da COVID-19, ese orzamento incrementouse en 750.000 millóns de euros. Ese incremento é o que se coñece como fondos europeos Next Generation.
O obxectivo é relanzar a economía no curto prazo e mellorar a produtividade e o potencial de crecemento no medio e longo prazo.
Últimas noticias sobre os fondos europeos Next Generation
-
O Ministerio ampliará o PERTE VEC á automoción auxiliar de baterías e compoñentes
Esta nova convocatoria, prevista para antes de que finalice o primeiro trimestre deste ano, ten o obxectivo de seguir atraendo proxectos de produción de baterías e de cadea de valor do vehículo eléctrico. O sector de compoñentes de automoción achega máis do 75% do valor do vehículo, cun alto investimento en I+D+i. -
Os servizos subvencionables deben cumprir os seguintes requisitos:
- Que conecten un porto español e un doutro Estado membro da Unión Europea.
- Que o servizo teña dúas ou máis frecuencias semanais, salvo excepcións xustificadas.
- Que exista unha ruta alternativa de transporte de estrada para a liña, incluíndo as que implican un cruzamento de canles ou estreitos.
As navieiras colaboran na xestión do programa de subvencións, sen participaren na entrega ou distribución dos fondos. O prazo para solicitar as subvencións da segunda convocatoria comezará no vindeiro 1 de abril ata o 30 de xuño de 2024.
-
Esta convocatoria conta cun orzamento de 13,3 millóns de euros. Ten o obxectivo de impulsar a innovación e a transferencia de coñecemento. O prazo de presentación de solicitudes estará aberto desde o 11 de xaneiro ata o 12 de marzo de 2024.
Estas axudas financian a actuación dos xestores de ecosistemas de innovación baseados en redes de excelencia Cervera. Estas redes operan arredor de tecnoloxías prioritarias, nas áreas de: materiais avanzados, economía circular, transición enerxética, fabricación intelixente, tecnoloxías para a saúde, cadea alimentaria segura e saudable, aprendizaxe profunda, intelixencia artificial, redes móbiles avanzadas, transporte intelixente, protección da información e computación cuántica. -
Aínda se dispón de 290 millóns de € para este programa.
O Real decreto introduce, ademais, cambios nas bases reguladoras derivados da modificación do Regulamento xeral de exención por categorías (Regulamento UE 2023/2015) que afectan a empresas: limita a 150 millóns o orzamento anual que pode adscribirse a cada un dos programas de axuda específicos para empresas e esixe que os puntos de recarga que as empresas instalen con potencias de ata 22 quilovatts conten con funcionalidades intelixentes.
-
Destinada a proxectos de dixitalización de abastecemento en alta, distribución, saneamento e depuración do ciclo urbano da auga.
O seu obxectivo é mellorar o coñecemento dos usos da auga, reducir as perdas, mellorar a eficiencia dos sistemas, optimizar o gasto enerxético e impulsar a transparencia e a comunicación coa cidadanía e os diferentes entes públicos e privados involucrados nas distintas fases do ciclo urbano da auga.
-
Nos 281 proxectos participan 225 entidades, que contribuirán á modernización, sostibilidade e dixitalización do sector agroalimentario. Das devanditas axudas, 148 millóns de euros son en forma de subvencións e o resto en forma de préstamos a xuro cero.
-
Esta convocatoria está destinada á actuación integral para a descarbonización (primeiro obxectivo dos 4 do PERTE). Dividirase en 500 millóns en subvención e 500 millóns para préstamos.
-
Estas axudas permitirán seguir avanzando co despregamento das infraestruturas necesarias para garantir unha conectividade axeitada ao 100% da poboación en España. Esta convocatoria de axudas facilitará o despregamento da banda larga ultrarrápida, a través da fibra óptica, en máis de 380.000 fogares e empresas (o 76% vivendas).
Esta tecnoloxía é capaz de prestar servizos de polo menos 300 Mbps escalables a 1Gbps, nas zonas brancas e grises NGA identificadas.
-
Enmárcase na Compoñente 9 'Folla de ruta do hidróxeno renovable e a súa integración sectorial'. Ademais, forma parte do Proxecto Estratéxico para a Recuperación e Transformación Económica de Enerxías Renovables, Hidróxeno Renovable e Almacenaxe (PERTE ERHA), buscando impulsar o desenvolvemento de proxectos de investigación básica-fundamental, pilotos innovadores e a formación en tecnoloxías habilitadoras clave dentro da cadea de valor do hidróxeno renovable.
A concesión das axudas estará condicionada á implantación en España dos desenvolvementos, cun investimento mínimo de 500.000 euros por proxecto.
-
Pertencente á familia de programas "Activa". A Escola de Organización Industrial (Fundación EOI), adscrita á Secretaría Xeral de Industria e Peme, será a encargada de xestionar o «Programa Activa Crecemento».
Trátase dun programa de asesoramento especializado e personalizado orientado a pemes, en especial ás de pequeno tamaño, para impulsar o seu crecemento. A modalidade das axudas que se concedan no marco desta convocatoria terá a consideración de axudas en especie, consistentes na recepción dun asesoramento especializado e personalizado.
-
Esta cuarta convocatoria conta cun orzamento inicial de 100 millóns de euros ampliables. As axudas poderanse solicitar a partir do 12 de setembro.
-
As axudas son para proxectos innovadores de almacenaxe enerxética que contribúan a mellorar a estabilidade do sistema eléctrico e á seguridade da subministración. As axudas outorgaranse en réxime de concorrencia competitiva a través de dúas liñas diferenciadas:
- Unha para a almacenaxe independente (stand-alone) e a térmica dotadas con 150 e 30 millóns, respectivamente.
- E outra, cos 100 millóns restantes, a proxectos de bombeo reversible en centrais hidroeléctricas.
Podes facer a solicitude 100 % en liña
Desde o BBVA dámosche acceso a un proceso 100 % en liña para poderes solicitar as axudas públicas. A solicitude realízase a través dunha plataforma da empresa colaboradora Minsait (Indra).
O BBVA, axente dixitalizador Kit Dixital
Se xa recibiches a axuda do Kit Dixital, o BBVA, como axente dixitalizador do Programa Kit Dixital, ofréceche unha solución de comercio electrónico
No BBVA tamén financiamos proxectos sostibles
Estamos a impulsar un futuro máis verde e sostible. Unha das formas de conseguilo é ofrecendo financiamento para proxectos de eficiencia enerxética. Tanto se accedes aos fondos europeos Next Generation como se non, podes contar connosco.
Necesitas máis información?
Descarga os boletíns informativos Next Generation
As condicións dos fondos europeos Next Generation están suxeitas aos criterios legais marcados pola Unión Europea e/ou o Goberno de España.
O BBVA orientará o cliente sobre os trámites necesarios para intentar acceder ás diferentes axudas públicas e/ou subvencións, a través de varios socios que, a pedimento directo do cliente, realizarán cálculos orientadores usando as fontes legais emanadas das publicacións e/ou boletíns oficiais que os propios organismos públicos emitan, como partícipes nos diversos programas de canalización dos fondos.
Todo iso co obxectivo de poder facilitar ferramentas útiles para que o cliente detecte as súas posibles necesidades financeiras complementarias, aínda que a concesión e o acceso a estas posibles axudas ou subvencións non dependerán do BBVA, senón da idoneidade de cada solicitante e da elixibilidade de cada proxecto de investimento presentado. Téñase en conta, ademais, que cada comunidade autónoma, entidade Local ou organismo público participante podería modificar os criterios para as solicitudes ou concesións.