Ordainketa pertsonalizatuarekin, txartelarekin edo txartelaren hileroko likidazioaren ordainagiriarekin egindako edozein erosketaren ordainketa zatika egin dezakezu, betiere 50 €-koa edo hortik gorakoa bada. 

Hileko kuoten zenbatekoa kopuru finko bat izango da (kapitala eta interesak barne dituena interesak dituen ordainketa pertsonalizatua bada, eta kapitala barne duena komisioa duen ordainketa pertsonalizatu bat bada), eta hautatutako epearen araberakoa, gutxienez 3 hilabete eta gehienez 36 hilabete izango delarik. Kopuru hori hilabete bakoitzaren 5ean kargatuko da. 

Lehen kuota ezberdina da bi kasuetan: 

• Interesak dituen ordainketa pertsonalizatuaren kasuan, soilik interesak txertatzen dira.
• Komisioa duen ordainketa pertsonalizatuaren kasuan, geroratze-komisioa baino ez du barne hartzen.

Behin txartela kontrataturik denean, bai BBVAren app-ean bai bbva.es webgunean kalkula dezakezu zein izango litzatekeen zure hileko kuota aukeratzen duzun epearen arabera.

Ordainketa pertsonalizatua interesekin ordaintzeko adibidea:

• ITN: % 21,60 urtean.
• Kredituaren muga: 3.000 €. 

Aqua Oro kreditu-txartela kontratatzen duzu 3.000 €-ko mugarekin. Egun horretan bertan, esaterako 2026ko martxoaren 8an, zenbateko bereko erosketa bat egiten duzu eta 12 hilabetetan zatikatzea aukeratzen duzu. Hau da ordaindu beharko duzuna. 

• Lehenengo kuota 40,83 €-koa izango da, interesak bakarrik barne.
• Hurrengo 11 kuotak 303.06 €-koak izango dira bakoitza.
• Guztira 3.374,49 € ordainduko dira, eta UTBa %23,87 izango da.

Ordainketa pertsonalizatuaren adibidea komisioarekin:

• Atzerapen komisioa: %0, %4,30, %5,20 edo %6 finantzatutako zenbatekoaren gainean, hautatutako 3, 4, 5 edo 6 hilabeteko epearen arabera. 
• Kredituaren muga: 3.000 €.

Jarraian zehazten dira ordainketa pertsonalizatuaren adibideak, 3 eta 6 hilabete arteko komisioarekin. Kasu guztietan, ITNa %0 da.

Aqua Oro txartela kontratatzen duzu, 3.000 €-ko mugarekin.  Egun horretan bertan, esaterako 2024ko martxoaren 8an, zenbateko bereko erosketa bat egiten duzu eta 6 hilabetetan zatikatzea aukeratzen duzu. Hau da ordaindu beharko duzuna. 

• Lehenengo kuota 180 €-koa izango da, eta gerorapena kudeatzeko komisioa bakarrik hartuko du barne, hau da, finantzatutako zenbatekoaren % 6.
• Hurrengo 6 kuotak 500 €-koak izango dira, eta bakoitzak kapitala bakarrik hartuko du.
• Guztira 3.180 € ordainduko dira, eta UTBa %18,89 izango da.

Erosketa 5 hilabetetan zatikatzea aukeratzen baduzu, hauxe da ordaindu beharko duzuna: 

• Lehen kuota 156 €-koa izango da, eta barne hartuko ditu kapitalari dagokion zatia eta geroratzea kudeatzeagatiko komisioa, hots, finantzatutako zenbatekoaren % 5.20.
• Hurrengo 5 kuotak 600 €-koak izango dira, eta bakoitzak kapitala bakarrik hartuko du.
• Guztira 3.156 € ordainduko dira, eta UTBa %18,43 izango da.

Erosketa 4 hilabetetan zatikatzea aukeratzen baduzu, hauxe da ordaindu beharko duzuna: 

• Lehen kuota 129 €-koa izango da, eta barne hartuko ditu kapitalari dagokion zatia eta geroratzea kudeatzeagatiko komisioa, hots, finantzatutako zenbatekoaren % 4.30.
• Hurrengo 4 kuotak 750 €-koak izango dira, eta bakoitzak kapitala bakarrik hartuko du.
• Guztira 3.129 € ordainduko dira, eta UTBa %17,44 izango da.

Erosketa 3 hilabetetan zatikatzea aukeratzen baduzu, hauxe da ordaindu beharko duzuna: 

• Hilean 1.000 € ordainduko dira hiru hilabetez.
  
• Guztira 3.000 € ordainduko dira, eta UTBa %0 izango da.

Sistema hau eskatu den likidazio zehatz bakoitzari aplikatzen zaio berariaz.
Adibide adierazgarri horien UTBa 1.500 € baino gehiagoko zenbateko batentzat kalkulatu da, txartel hori ezin baita kontratatu 1.500 €-ko kreditu-mugarekin.