Zure gastatzeko modua hobetzeko gakoak

Adimen artifizialeko tresnen laguntzaz hitz egiten du podcast honek.

Maiz gure hileko gastuak murrizteko aukeran pentsatzen dugu, horrela ezustekoetarako edo plazer txiki edo handietarako koltxoi finantzario bat lortzeko. Jakin behar dugu gastuak murriztea epe luzerako helburua dela eta pazientzia, iraunkortasuna eta, noski, hilero gure dirua benetan zertan gastatzen dugun aztertzeko denbora hartzea eskatzen duela. Hori lortzeak ahalbidetuko digu osasun finantzario ona izatea eta, era berean, lasaitasun handiagoa emango digu gure finantzekin.

Gure diruaren mugimendua ulertzeko lehen urratsa da ezagutzea gastu finko eta aldakorren arteko aldea. Gastu finkoak maiztasun batekin errepikatzen dira, aurrez jakin ohi noiz eta zer kopuru ordaindu behar diren, adibidez, hori gertatzen da hipoteka edo alokairuarekin. Gainera, aurrekontuaren zati garrantzitsua hartzen dute eta ezin dira saihestu; hortaz, horiek estaltzeko beharrezko diru-sarrerak izan behar dituzu.

Bestetik, gastu aldakorrak aldatu egiten dira erregularki, eta zailagoa izaten da zehatz-mehatz kopuruak zehaztea eta aurreikusita izatea haien eragina gure finantzetan. Hala ere, murrizteko gastu errazagoak ere badira eta, kasu batzuetan, ezaba daitezke. Horregatik, mozten diren lehenengoak izan ohi dira krisi finantzario baten aurrean edo diru-sarrerak murrizten direnean.

Oinarrizko sailkapen horrez gain, hiru gastu mota sotilago daude, itxuraz kaltegabeak eta, nahiz eta minimoak izan daitezkeen, askotan kaltegarriak izaten diren finantza pertsonaletarako. Modu arruntean inurri, mamu eta banpiro gastu gisa ezagunak dira eta uste dena baino ohikoagoak dira.

Inurri gastuak dira planifikatu gabeko eta garrantzitsuak ez diruditen eguneroko produktuen erosketak, baina horiek pilatuz gero, gure aurrekontuaren zati nabarmen bat har dezaketenak. Horiek identifikatzeko modu bat da zerrenda batean idaztea horietako bakoitzaren zenbatekoa eta hilaren amaieran gehitzea datu guztiak, guztizko gastua ezagutzeko. Eta eskuetatik alde egin ez dezan, kopuru finko bat bidera dezakegu gastu mota horretara eta hori soilik erabili. Horrela, aurrekontu orekatua izango dugu eta hilaren amaieran ezustekoak izatea saihestuko. BBVAren aplikazioa erabilita erraz identifikatu ahal izango dituzu zeintzuk diren inurri gastuak eta beharrezko neurriak hartuko dituzu hileko gastuak hobetzeko.

Mamu gastuak konturatu gabe egiten ditugu eta gure kontuei eragiten diete. Adibidez, hori gertatzen da "streaming" zerbitzuetako harpidetzarekin, gimnasioarekin... hileko kontuari gehitzen zaizkio konturatu gabe. Kasu horietan, garrantzitsua da galdetzea gastu horiek funtsezkoak diren ala ez, izan ere, segimendu bat egitea eta aurrekontua optimizatzea ahalbidetuko digu, beharrezkoak ez direnak ezeztatuz gero. BBVAren aplikazioko Gastu finkoak atalean begiratu batean ikusi ahalko duzu zenbat harpidetza dituzun altan eta horiek elkartuta suposatzen duten kostua, hilean zein urtean. Eta, gainera, simulatu ahal izango zenuke zenbat aurreztuko zenukeen horietako bati baja emanda. Horrek errealitatearen gertuagoko ikuspegi bat emango dizu eta, horrela, zure ekonomiarako erabaki hobeak hartu ahal izango dituzu.

Azkenik, banpiro gastuak erraz hauteman ezin diren gastu finkoak dira, zeren ez dira kontuan hartzen aurrekontuan, nahiz eta eragina izan, baita aurreko biena baino handiagoa ere. Adibidez, ur-jarioekin edo etxetresna elektrikoen erabilera okerrarekin erlazionatutako gastuez ari gara, zeinak kontsumoa handiagotzen duten. Kasu horietan lagungarria izan daiteke energia-iturriak berrikustea eta gure ohiturak aldatzea ahalbidetuko duen aurrekontuan lan egitea, diruari onura handiagoa ateratzeko.

Kontzeptu horiek argituta, hurrengo urratsa hileko aurrekontu bat sortzea da; harekin ikusi ahal izango duzu zehaztasun handiz, daukazun dirua, gastatzen duzuna eta, garrantzitsuena, lehenengoa nahikoa den bigarrenari aurre egiteko. Mugikorreko aplikazioak, Exceleko kalkulu-orri bat edo libreta bat erabilita egin dezakezu. Zure kontuetan gastu horiek nola banatzen diren ezagutu ostean, lehentasun-ordena bat sortu ahal izango duzu eta ahal duzuna egin ongi erabilia izaten ari ez den diru horretatik kopuru handiena aurrezteko. Kontuan izan diziplina eta planifikazioa hori lortzeko funtsezko bi baldintza direla.

BBVAn badakigu gure kontuak kontrolatzea beti ez dela erraza; horregatik lagundu egin nahi dizugu hori lortzen. BBVA aplikazioan aurkitu ahal izango duzu "Gastu-helburua" funtzionaltasuna, harekin mugako aurrekontu bat sortu ahal izango duzu gastu mota bakoitzerako eta segimendu bat egin hilabetean zehar. Horrela, zure gastuak kontrolpean izatea ziurtatuko duzu eta gehieneko kopurua gainditzear zaudenean, beharrezko neurriak hartu ahal izango dituzu egonkortasun finantzarioa arriskuan jartzea saihesteko.

Gainera, BBVA aplikazioan ere aurki ditzakezu tresna gehiago, zure finantzak kudeatzen laguntzeko pentsatuta daude. "Osasun finantzarioa" funtzionaltasunarekin zure finantzei buruzko informazio osora sar zaitezke, eta horrek lagundu egingo dizu zure dirua hobeto kudeatzen eta zure aurrezki-helburuak lortzen.