Kontuak lekualdatzeko zerbitzua

Bai, beste bankuak lekualdatzeari uko egin diezaioke, baldin eta kontuari lotutako produktuak (mailegua, hipoteka, txartelak, inbertsio-funtsak…) badauzkazu. Ez ahaztu produktu guztiak ezeztatzeaz lekualdatzea baino lehen.

Gogoan izan lekualdatze-prozesua ondo osatzeko BBVAko kontuak beste bankuko kontuan dauzkazun titular berak izan behar dituela.

Gainera, beste bankuan duzun kontua ixtea nahi baduzu, gogoratu aurretik itzuli behar dituzula lotuta dauzkazun txartel, txeke edo libretak.

• BBVAko kontuko eta beste banku bateko kontuko titularrak berberak izan behar dira. Horrez gain, kontua aldatzeko eskaera titular guztiek sinatu behar dute.
• BBVAn duzun kontua ezin da izan enpresarako edo jarduera profesionaletarako.
• Ezin da saldoaren zati bat bakarrik lekualdatu. Zure beste bankua arduratuko da kontua ixteaz eta saldoa zure BBVA kontura transferitzeaz, eskaeran adierazi duzun datan.

• Igortzaile batzuen ordainagiri eta zergak lekualdatzea

Ordainagiriak igortzen dituzten erakunde batzuk eskatzen dute kontuaren titularrak berak jakinarazi behar duela lekualdatzea; esaterako, Zerga Agentziak eta hainbat udalek. Gainera, udalek ez dute onartzen aldaketarik zergen (OHZ, zaborren zerga...) helbideratzeetan borondatezko ordainketa aldiaren aurreko 2 hilabeteetan.

• Langabeziaren prestazioa lekualdatzea

Administrazioak eskatzen du titularrak berak kudeatu behar duela abonuko kontua aldatzea. Beraz, SEPE bidez eskatu behar duzu aldaketa. Prozesua nola kudeatu azaltzen dizugu. 

• GSDNak kudeatzen ez dituen pentsioak lekualdatzea

Muface, Mugeju edo Isfas gisako beste erakunde batzuk emandako pentsioak jasotzen badituzu, zu zeu jarri beharko zara erakundearekin harremanetan kontuaren lekualdaketa jakinarazteko. 

• Saldoa lekualdatzea eta kontua ixtea

BBVAk zure eskaeraren berri emango du eta zure beste bankua arduratuko da zuk adierazten duzun datan saldoa lekualdatu eta kontua ixteaz.

Garrantzitsua da gestio horiek gogoan izatea lekualdaketaren data hautatzerakoan. Bi kontuetan, jatorrizkoan zein BBVAkoan, saldoa izatea ere gomendatzen dizugu, kontu-aldaketa burutu bitartean zure ordainketei aurre egiteko. 

Kontuak lekualdatzeko zerbitzua medio, BBVAk kudeaketa hauek egiten ditu:

• Lekualdaketa izapidetzeko informazioa eskatu zure beste bankuari.
• BBVAko zure kontu berrian aldizkako transferentziak programatu, zure eskaeran adierazten duzun egunetik aurrera. Zure bankuak bertan behera utziko ditu beste kontuan.
• Kontua aldatu izana jakinarazi zure ordaintzaileei eta helbideratuta dauzkazun zordunketen (ordainagiriak) igortzaileei. BBVAk eskaera bat bidaliko die kontuaren aldaketa egiteko. Banku aldaketa aurrez aurre jakinarazi nahi baduzu, kudeaketarekin laguntzeko agiri batzuk emango dizkizugu.
• Zordunketarik (ordainagiriak) atzera ez dela botako ziurtatzeko, BBVAk onartu egingo ditu zuk egindako eskaeraren datatik aurrera egiten diren helbideratutako zordunketak eta sartzen diren transferentziak. Eta, aldi berean, zure beste bankuak utzi egingo dio horiek onartzeari.
• Araubide orokorreko pentsioen lekualdaketa kudeatzea Gizarte Segurantzarekin. Horretarako, BBVAk GSDNrekin jarriko da harremanetan pentsioaren helbideratzea alda dezala eskatzeko, eta GSDNk eskabidea onartzen edo ukatzen duen jakinaraziko dizu. GSDNk, bere aldetik, zure izenean dituzun pentsio guztien lekualdaketa kudeatuko du. Gogoan izan kanpo geratzen direla kotizazio gabeko pentsioak edo beste erakunde batzuenak; esaterako, Muface, Mugeju, Isfas etab.

1. Idatzi BBVAra ekarri nahi duzun kontuaren zenbakia.
2. Hautatu zer ekarri nahi duzun: zure aldizkako transferentziak, diru-sarrerak eta helbideratutako ordainagiriak edo zure kontu osoa, zure beste kontua itxiz, gainera.
3. Aukeratu data bat lekualdatzeko. Zure diru-sarrerak (nomina, pentsioa) eta ordainagiriak kontu berrian helbideratzeko nahiko tartea eskaintzen duen data bat hautatzea gomendatzen dizugu. Gutxieneko epea 15 lanegunekoa da, titular guztiek sinatzeko duten epea barne.
4. Kontuaren titular guztiek eskaera sinatzen dutenean hasiko da lekualdatzea. Sinatzeko epea 2 egunekoa da; epe hori igarotakoan eskaera iraungi egingo da, eta beste bat egin beharko duzu.
5. Bi eguneko epean, lekualdatzeko behar den informazioa eskatuko dio BBVAk zure beste bankuari.
6. Beste bankuak, gehienez, 5 egun izango ditu eskaera onartzeko eta BBVAk eskatutako informazioa emateko.
7. BBVAk informazioa jasotzen duenean, 5 eguneko epea izango du aldizkako transferentziak kontu berrian konfiguratzeko eta ordaintzaileei eta ordainagirien jaulkitzaileei kontu berriaren zenbakia jakinarazteko.
8. Zure beste bankua arduratuko da kontua ixteaz eta saldoa BBVAko zure kontura transferitzeaz, eskaeran adierazten duzun datan.
9. Prozesuaren berri emango dizugu. Behar izanez gero, informazio gehigarria eskatuko dizugu aplikazioan edo webgune bidez, baita posta elektronikoz ere egindako jakinarazpenez.