Revolving ordainketa geroratuarekin, zure txartelaren gastuaren kuota finko bat ordaindu hilero. Ordaintzeko modu horrek interesak ditu.
Hileko kuotaren likidazio-data hilabete bakoitzaren 20an egiten da. Hala ere, ordainagiria 5ean ordaintzea aukeratzen baduzu eta geroratutako ordainketa aukeratuta baduzu, zeure gain hartu beharko dituzu likidazio-datatik ordainketa-datara bitarteko interesak.
Hileko gutxieneko zenbatekoa 20 € da, eta hortik gorako edozein aukera dezakezu.
Aukeratutako kuota, lehenik eta behin, adostutako interesak eta gastuak ordaintzera zuzentzen da eta, bigarrenik, eskuragarri jartzen ari zaren kreditua edo saldoa amortizatzera. Hori dela eta, erabilitako kreditua arrazoizko epean ordaintzea ahalbidetuko duen kuota bat aukeratzea gomendatzen dugu.
Behin txartela kontrataturik denean, bai BBVAren app-ean bai bbva.es webgunean kalkula dezakezu amortizazio epea aukeratu izan duzun ordaintzeko eraren arabera, eta guztira ordaindu beharreko interesak ere, baldin baleude.
Espainiako Bankuaren revolving txartelen simulatzailea ere erabil dezakezu kalkulatzeko zure txartelaren gutxi gorabeherako kuota, ordaindu beharreko zenbatekoak eta gastuaren eta ordaintzeko moduaren arabera guztia ordaintzea amaituko duzun data.
Gogoratu zure txartelaren ordainketa modua nahi duzunean alda dezakezula.
Kuota finkoa duen revolving ordainketa geroratuaren adibidea
Adibide hau banku zerbitzu eta produktuen publizitatea arautu eta kontrolatzeari buruzko EHA/1718/2010 Aginduak eskatzen duenarekin bat egiten da. Horren baldintzek ez dute zertan bat etorri kontratuarenarekin.
1.500 €-ko erosketa egiten baduzu urteko % 18ko interes-tasarekin eta hilean 44,06 €-ko kuota finkoa ordaintzea aukeratzen baduzu, honako hauek ordaindu beharko dituzu:
- 44,06 €-ko 48 kuota hilean.
- Ordaindu beharreko zenbatekoa, guztira, 2.115 €-koa izango da, eta UTBa % 19,86koa.
GARRANTZITSUA: A Tu Ritmo txartelaren likidazio-sistemarekin, kreditua ezin da beti hilean 48 kuota konstantetan amortizatu, amortizatu beharreko gutxieneko zenbatekoa saldo erabiliaren % 3 delako. Horrek esan nahi du hilabete bakoitzean hurrengo kantitateetako handiena ordainduko duzula:
- Kapitalak, interesek eta komisioek osatuta aukeratutako kuota.
- Edo likidazio aurretik xedatutako saldoaren %3 gehi aldiko interesak eta komisioak.
Txartela kontratatzen baduzu eta egun berean, adibidez 2023ko urriaren 15ean, 1.500 €-ko erosketa bat egiten baduzu eta hilaren 5ean 37 €-ko kuota bat ordaintzea erabakitzen baduzu, 48 hilabetetan ordaindu beharreko zenbateko osoa, urtean % 18ko ITNa aplikatuta, 2.022,86 eurokoa izango litzateke. UTBa % 19,55ekoa izango da.
Gogoan izan kuota hilaren 5ean ordaintzea aukeratzen baduzu, zeure gain hartu beharko dituzula likidazio-datatik ordainketa-datara bitarteko interesak.
