Eteen Eguna

NBEren arabera, herrialde gehienetan eteek eratzen dute enpresa-ehunaren %90 baino gehiago, eurek sortzen dute enpleguaren %65 inguru, eta eurena da munduko Barne Produktu Gordinaren (BPG) %50. Gainera, egonkortasun soziala bermatzen laguntzen dute, pobrezia gutxituz.

Espainiaren kasuan, ETE Zifrak Txostenaren arabera, negozio mota hori da eratutako enpresen %99,8 baino gehiago, eta 10 milioi pertsona baino gehiagori (guztiaren %65i) ematen die lana, herrialdearen produkzio-sektore guztietan.

Enpresa bat ete dela esaten da Europako legediak ezarritako honako bi betekizun hauek betetzen dituenean:

1. 250 pertsona baino gutxiago kontratatuta izatea.
2. Urtean 50 milioi euro baino gutxiago fakturatzea edo urtean 43 milioi euro baino gutxiagoko balantzea izatea.

Europako legeriak ezarritako baldintzen arabera, hiru enpresa txiki eta ertain mota daude:

• Mikroenpresak: 10 langile baino gutxiago dituzte plantillan eta urteko fakturazioa edo balantzea ez da 2 milioi euro baino handiagoa.
• Enpresa txikiak: 50 langile baino gutxiago dituzte plantillan eta urteko fakturazioa edo balantzea ez da 10 milioi euro baino gehiago.
• Enpresa ertainak: 250 langile baino gutxiago dituzte plantillan eta urteko fakturazioa edo balantzea ez da 43 milioi euro baino gehiago.

Ete batek, normalean, hasteko, handitzeko edo zabaltzeko kutxan duen baino diru gehiago behar izaten du. Bankuek konponbideak eskaintzen dituzte finantzatzeko:

• Kreditu ildoek egunerokorako likidezia lortzeko aukera ematen dute.
  
• Maileguak dira konponbide errazena inbertsio handi bati ekiteko.
• Rentinga edo leasinga eteek oso sarri eskatzen dituzten formula finantzarioak dira, lokalak eta material industriala alokatzeko aukera ematen dietelako erosten ibili beharrik gabe.

Bestalde, laguntza publiko eta diru-laguntza ezberdinak daude eteentzat, sektorearen edo ezaugarrien arabera. Industria eta Eteen Zuzendaritza Nagusiak direktorio bat dauka eskuragarri dauden laguntza publikoak bilatzeko.